AUDIT REPORTS OF ZEMABAWK BRANCH YMA – 2007
Ni 29.12.07 (Inrinni) khan Zemabawk Branch YMA sum Financial Secretary, Treasurer, Chhiatni Fund leh Property, accounts Audit a ni a. A hnuaia mi ang hi kum 2006 – 2007 chhunga sum dinhmun a ni. Audit Reports tlangpui:
1. Zemabawk Branch YMA :
(1) Total Receipts = Rs. 1,58,867.00
(2) Total expenditure = Rs. 1,28,700.00
(3) Balance = Rs. 30,167.00
2. YMA Eng Weekly :
(1) Total Receipts = Rs. 67,311.00
(2) Total expenditure = Rs. 65,453.00
(3) Balance = Rs. 1,858.00
3. Chhiatni Fund :
(1) Total Receipts = Rs. 67,006.00
(2) Total expenditure = Rs. 11,175.00
(3) Balance = Rs. 55,831.00
4. Property :
(1) Total Receipts = Rs. 4,750.00
(2) Total expenditure = Rs. 2,083.00
(3) Balance = Rs. 2.667.00
Total Receipts ah hian kum 2006 kumtawpa Balance awm nen belh tel nghal a ni. Property atanga sum hmuh te Branch sum vawngtu te hnenah thehluh nghal zel a ni. Read more »
Tanrual hi chakna
Kum a lo vei a, kum thar kan lo chuangkai leh ta reng mai. Hmachhawp leh tihtur tam takin min hmuak leh ta. Kan hun hman dan tur leh hmalak dan tur mumal taka siam felin hma lak i han tum teh ang. Kumhlui lama kan nun leh hun hmandante thlirlet ila, kan tihfuh loh leh tihnawn loh chi te chhinchhiahin awmze nei zawka hmalak i tum theuh ang u.
Kum a lo thar ta bawk a, a mimal ang leh khawtlang ang pawha hmasawnna thar kan hmuh theih nan a tul ang anga hmalain, rilru leh ngaihtuahna mai bakah tha pawh i thawh teh ang. Tang tlang ila kan khawtlangah hian thil thar hmuh ngei tumin tan i la sauh sauh ang u. Kan zirna, kan hnathawh leh eizawnna kawngah hlawhtlinna hmu ngei turin mimal tinin theihtawp chhuahin khawltlang hmasawnna thlentu nih ngei tum ila, a huhova kan chetna – kohhran leh pawl hrang hrangah pawh mi tih a khek mai lovin mahni ngei i chhuak theuh ang u. A bik takin chhiatni – mitthi lumen, khawhar in len lah thlanlaihah thalaite kan tanrual a tul zual hle in a lang. Kan Branch-ah member 2500 chuang kan awm laia lumennaah mi 30 bawr vel kan tlaivar thin te, thlan laihna a mi 20 pawh tling lo, a chang phei chuan 10 pawh kan tlinglo mai thin hi chu tumawhphurhna nge tih chiang takin kan hria a, tunge mualpho tih pawh kan hria. Nu leh pate pawh mahni fate hetiang lama tel ngailo kan neih chuan inbihchian a pawimawh viau ang. Read more »
Zemabawk Polling Station hetiang hian siamrem a ni
33/16 P/S-I 1265 Beraw Veng, Bung Veng, Venglai chhuahlam, Zokhawsang chhuahlam, S.A Veng, Ramchhana Kawlni In atanga Forest Check Gate
33/17 P/S-II 1124 Hmangaihna Veng, H/S Veng, M/S Veng,Bethel Veng, Zokhawsang chhuahlam
33/18 P/S-III 1367 Thingkhim Veng, Galili Veng, Kawnveng I & II, Venglai tlaklam, Tlangveng tlaklam
33/19 RKM 1239 Wholesale Market atanga tanin Field Veng, Dinthar Veng – C.Lalchhuana In thleng
33/20 CZ M/S 1301 Vengthar, Lungbial & Tourist, Forest Check Gate thlanglam Kamlala Section chin, Berawlui, Bung, Airfield V/C nena inrina thleng
Heta tarlan ang hi vote kan thlakna hmun tur a ni a, chhungtinin hei hi dahthain vawngtha tlat ila kan la tangkaipui hle ang.
Tualchhung
V/C
Tunlai hian Zemabawk V/C hmalaknain Zokhawsang Veng kawng chho siam that hna thawh mek a ni a, hemi kawng siam zawh hian Galilee Veng kawng siam chhunzawm leh a ni ang.
SSA Football
SSA Football Academy chu ni 7.1.2008 (Thawhtan) zing dar 6:15 atang hian tan leh tur a ni. Tin, Uniform (Jersey) pawh semchhuah nghal tur a ni ang.
Mistiri Association
Zemabawk Mistiri Association chuan vawiin nilengin YMA Committee Room-ah General Assembly an hmang dawn a. Hetah hian Kum 2008 chhunga an pawl hruaitu turte thlangin, an member boral ta te sunna hun an hmang bawk ang. Read more »
KUM 2008 ZEMABAWK BRANCH YMA HRUAITU THLAN A NI
Zemabawk 5th January, 2008 : Ni 4.1.2008 (Zirtawp) zan khan kum 2008 chhunga Zemabawk Branch YMA hruaitu tur thlan a ni a, he inthlannaah hian member kal an thahnemin inthlan pawh tluang taka neih a ni. Inthlan hi Returning Officer Pu Vanlalrema Rokhum, Treasurer Central YMA in hneh taka kaihruaiin Branch Adivser-te, Village Council member-te, Mistiri Association President leh MHIP hruaitu ten an tawiawm a ni. Returning Officer puan danin inthlanna hi a felfai mai bakah Branch YMA inthlan hriat theih chinah chuan a awlsam ber leh hun hman tlem ber tum anih a rinawm thu a sawi. Inthlanna hi darkar khat leh minute nga chhung a zawh fel a ni.
